The morning dew [Rí na bpíobairí], port

Cé gurb é ‘The Morning Dew’ an teideal a thug Séamus Ennis síos san athscríobh, tá an port seo i measc port éagsúla i nDún na nGall a dtugtar an t-ainm ‘The King of the Pipers’ orthu cé go bhfuil an ceol éagsúil i chuile cheann acu. Tá leagan eile de ‘The King of the Pipers’ in Ceol Rince na hÉireann 2 (Uimh. 45). Bhailigh Brendán Breathnach ó John Doherty é in 1966 agus luaigh sé go raibh an t-ainm céanna ar cheolta eile ach nach raibh aon ghaol acu le leagan Doherty. Tá roinnt cosúlachtaí sna páirteanna idir ‘The King of the Pipers’ a foilsíodh in Music of Ireland (Uimh. 702) le O’Neill, agus an leagan seo a d’athscríobh Séamus Ennis ó fhidléireacht Hughie Bonar Márta 1944.