Tóg do chionn, fonn

Seo leagan de phíosa ceoil ar a dtugtar ‘Maggie Pickins’ a bhfuil tagairt déanta dó mar sraithspé, mar dhamhsa sciobóil, mar flaing Albanach nó mar chornphíopa. In Ceol Rince na hÉireann 2 (Uimh. 63) tugadh leagan síos le hamchomhartha 12/8 agus an teideal ‘An Chearc ar Fad is an tAnraith’ air. Bhailigh Breandán Breathnach leagan de ó Denis Murphy, an fidléir ó Shliabh Luachra a thug ‘Charming Lovely Nancy’ air. Foilsíodh freisin é in Allan’s Irish Fiddler ina chornphíopa agus an t-ainm ‘Maggie Pickens’ air. Is fada an lá tóir i nDún na nGall ar dhamhsa a théann leis an bhfonn seo agus an t-ainm ‘Maggie Pickins’ ar an damhsa féin. Is é an t-ainm iomlán a thug Ennis síos san athscríobh ‘Tóg do chionn ’sná bíodh ort brón, ’S iomaí cor san óige’. Sna nótaí leis an athscríobh ar phortaireacht bhéil Pheadair Uí Bheirn, luann Ennis gur luas polca atá leis. Chuir Ennis réiltín freisin leis an mbarra deireanach sa gcéad agus sa dara cuid agus an nóta ‘leagan eile a chas Peadar’ leis an dá réiltín.