An stoirm is a’ bháisteach, port

Tá an port seo ar an gceathrú píosa ceoil i ngrúpa cheithre cinn a chas Colm le portaireacht bhéil agus a d’athscríobh  Séamus Ennis. Sna nótaí leis an athscríobh ar na ceolta scríobh Ennis ‘Sean phoirt béil ó Cholm Ó Caodháin’. Ar na ceolta bhí  ‘Port na Giobóige’, port ar ar thug sé ‘Port na Sióige’  agus píosa ar a dtug sé ‘Titse Miller’. Cé go dtugtar ‘Dusty Miller’ ar an bpíosa ceoil ‘Titse Miller’ agus go seinntear go forleathan é, tá an chuma air gur ceolta áitiúla na cinn eile. Ba mhinic Ennis a rá amhrán agus ag seinm ceoil a bhí bailithe i gConamara aige. Mar shampla, nuair a thug sé cuairt ar Dhún na nGall scríobh sé ‘Iarradh orm amhrán a rá agus dúras ‘Fill, Fill a Rúin Ó’ (Spidéal). Crochadh an teach… Is maith an scéal sin d’amhráin Chonamara’. (18.8.43)