The bridal jig, port

Chuireadh Colm Ó Caodháin agus a mhuintir fáilte mhór i gcónaí roimh Shéamus Ennis. Sa dialann an 26.6.43 scríobh sé: ‘Is é Colm Ó Caodháin an fear is mó a dtaitníonn liom a bheith ag obair leis a casadh liom fós.’ Scríobh Ennis faoi Cholm: ‘Fear an-ghnaíúil é agus fonn gáirí i gcónaí air’. (26.5.43). Roinn Colm Ó Caodháin stór mór amhrán agus ceoil le Ennis agus bhailigh Ennis an-chuid go deo ó Cholm le linn a thréimhse mar bhailitheoir ceoil agus amhrán ag Coimisiún Béaloideasa Éireann. Leagan é an port seo a thóg Ennis ó Cholm, ar ‘The Bridal Jig’ a foilsíodh in Dance Music of Ireland (Uimh. 310) ag O’Neill agus i bhfoilseachán 1883 dar teideal Ryan’s Mammoth Collection (lch. 112). Tá sé freisin in Johnny O’Leary of Sliabh Luachra (Uimh. 311) agus tugadh san áireamh freisin é in Allan’s Irish Fiddler.