The silvermore, port

Ón gcéad lá ar casadh air é, bhí Séamus Ennis an-tógtha le Darach Ó Clochartaigh, lena cheol, lena phortaireacht bhéil agus lena phearsantacht. Sa dialann an 1.7.1943 scríobh sé gur ‘seanfhear é atá beagán le cois 70 mbliana d’aois’ agus guth an-bhinn aige’. Scríobh Ennis gur mhaith le Darach gáire a bhaint as daoine agus go gcaillfí thú ‘ag breathnú ar a chuid geaitsí’. D’úsáideadh sé maide siúil ‘ag déanamh aithrise ar veidheal agus ar fhideog agus ag baint gháirí amach. Is é an cleas is greannmhaire atá aige a chos chlé d’ardú ar a ghlúin dheis ag aithris ar phíobaireacht’. Is leagan é an port luascach seo ó Dharach den phorg luascach ‘The Silvermore’ atá in Music of Ireland (Uimh. 1141) ag O’Neill agus tá gaol gairid aige le ‘The Humours of Whiskey’ in Ceol Rince na hÉireann 1 (Uimh. 66).