Hardiman the fiddler, port

Mí Iúil 1943 thug Séamus Ennis cuairt go rialta go Maínis chuig Dudley an Phortaigh [Darach Ó Clochartaigh] ar scríobh Ennis faoi go raibh ceolta aige. Dúirt sé go raibh ceolta aige a thóig sé ó phortaireacht bhéil a athar agus ó cheoltóirí taistil fadó. D’athscríobh Ennis cuid mhór ceoil ó Dudley ar a bhfuil an port luascach seo. Malairt leagan é de ‘Hardiman the Fiddler’, agus tá sé foilsithe in Dance Music of Ireland (Uimh. 412) ag O’Neill agus in The Dance Music of Willie Clancy (Uimh. 127). Foilsíodh leagan den phort luascach seo in Ceol Rince na hÉireann 4 ( Uimh. 39) agus an teideal ‘The Swaggering Jig’ air cé go ndeirtear sna nótaí gur ceol eile é seachas an port luascach den ainm céanna atá in Dance Music of Ireland (Uimh. 413) ag O’Neill.