The angry peeler, port

Mí na Nollag 1942 bhí Séamus Ennis i gCarna, agus tráthnóna an 14 Nollaig 1942, scríobh sé ‘Chuireas dhá cheol ó Mhicheál Choilmín Mac Fhualáin …ar an éideafón’. Bhí sé tar éis casachtáil le Maidhcil mí na Samhna roimhe sin nuair a bhí sé ag oíche mhór ag seinm ceoil i gCarna. ‘Bhí cúigear ceoltóirí ann.’ Seans maith go raibh an port seo ar cheann de na poirt a scríobh sé amach agus sna nótaí le hathscríobh an cheoil, tugann Ennis le fios gur cheap Mac Fhualáin go mba seanphort ceart é. Foilsíodh an port mar ‘The Angry Peeler’ in Music of Ireland (No. 1041) le O’Neill. Luaigh Breandán Breathnach go bhfuil baint aige b’fhéidir le ‘Carraig an tSoip’ in Ceol Rince na hÉireann 1 (No. 3). Rinne an Kilfenora Céili Band leagan de a thaifeadadh ar ar thug siad ‘Brodie Kierce’s’ agus thaifead Chris Droney, leagan eile dar teideal ‘The Clogher Rose’ ar an gconsairtín.

Chuir Ennis réiltín ar athscríobh an cheoil don dá phíosa a scríobh sé ó Mhaidhcil Choilmín agus chuir an méid seo leis: ‘These are both c# although the inclination would be to play c natural – may be the performer’s own whim.’

Scríobh Ennis nár chuala Maidhcil an ceol sin áit ar bith taobh amuigh den cheantar .